• Break the Taboo Malta

Storja 4 – 01.11.2018 ~ bil-Malti




“Jien Anglo-Maltija u trabbejt f’familja Kattolika stretta ħafna flimkien ma’ erba’ aħwa subien. Ir-rwol tiegħi kien ta’ Cinderella, aktar milli tifla waħda mfissda.


Meta kelli 30, skoprejt li kelli 11-il ġimgħa tqala. Diġà kelli żewġt itfal ‘qed jikbru’ u raġel li qal li kien jippreferi kċina ġdida milli aktar tfal.


Meta mort nagħmel scan sabu li kelli fibroma kanċeruża enormi u utru kbir. Kif kien qed jikber il-baby, hekk ukoll kien qed jikber il-kanċer. Jien qrajt dwar nisa li jgħidu li jippreferu jmutu milli jagħmlu abort. Jien moħħi kien fiż-żewġt itfal l-oħra aktar milli fuq il-fetu. L-għażla li nagħmel abort ma kinitx biss tagħna bħala koppja, iżda tal-kanċer. Kien qed joqtol lili u lill-fetu.


Sfortunatament, l-ewwel attentat ta’ abort ma kienx komplut u kelli nerġa’ mmur ġimgħa wara biex jitkompla qabel ma setgħu jagħmlu l-isterektomija sħiħa.


Ma kelli l-ebda rimors iżda qatt ma stajt nitkellem dwar din il-kwistjoni mal-familja Malta jew l-Ingilterra. Ir-raġel wara ftit sar l-ex-raġel, iżda bnejt relazzjoni tajba ħafna ma’ raġel ieħor u għandi żewġ neputijiet bniet meraviljużi.


Meta ħriġt tqila, kienet il-coil li falliet. Skond tal-‘pro-life’ jien missni ssagrifikajt ħajti għall-ħajja tal-fetu u ħallejt it-tfal tiegħi orfni.”

2 views
  • Facebook
  • Twitter

Break the Taboo Malta is an initiative to end abortion stigma in Malta by sharing real abortion stories and experiences.